நுட்பம் » Archives for ஸ்டாலின் சரவணன்

ஸ்டாலின் சரவணன்

புதுக்கோட்டை மாவட்டம், கறம்பக்குடியைச் சார்ந்த ஸ்டாலின் சரவணன்; தற்போது புதுகோட்டை மாவட்டத்திலுள்ள அரசுப்பள்ளியில் அறிவியல் ஆசிரியராக பணிபுரிகிறார். பாரதிதாசன் பல்கலைக்கழகத்தில் தமிழ் பாடத்தில் முதுநிலை பட்டமும், அண்ணாமலை பல்கலைக்கழகத்தில் விலங்கியல் பாடப்பிரிவில் இளநிலை பட்டமும் பெற்றவர்.

1999 ஆம் ஆண்டிலிருந்து எழுத ஆரம்பித்த இவரின் கவிதைகளும் கட்டுரைகளும், ஆனந்த விகடன், காலச்சுவடு, தடம், உயிரெழுத்து, உயிர்மை, கணையாழி போன்ற இதழ்களில் வெளிவந்துள்ளன.

புதுக்கோட்டை மாவட்ட தமுஎகச தலைவர், தமுஎகச மாநிலக் குழு உறுப்பினர், புதுக்கோட்டை சித்தன்னவாசல் இலக்கிய அமைப்பின் ஒருங்கிணைப்பாளராகவும் கள செயல்பாட்டாளராகவும் இயங்கிக்கொண்டிருக்கும் ஸ்டாலின் சரவணன் கவிதைகள், கட்டுரைகள், சிறுகதைத் தொகுப்புகள், நாவல்கள் ஆகியன குறித்து விரிவாக உரைகள் அளிக்கும் திறன் கொண்டவர். கவிதைப் பயிலரங்குகளின் மூலம் கல்லூரி மற்றும் பள்ளி மாணவர்களிடையே நவீன கவிதைகள் பற்றிய அறிமுகத்தைத் தொடர்ந்து எடுத்துச் செல்கிறார்.

"திரையில் விரியும் இந்திய மனம்” என்ற தலைப்பில் இந்திய சினிமா குறித்த ஒரு தொடரை உயிர்மை இணையத்தளத்தில் எழுதியது பெரும் வரவேற்பை பெற்றது.

இது வரை வெளிவந்துள்ள நூல்கள் :
கவிதைத் தொகுப்பு -

தேவதைகளின் வீடு (2014, அகரம் வெளியீடு),
ஆரஞ்சு மணக்கும் பசி (2016, உயிர்மை வெளியீடு),
ரொட்டிகளை விளைவிப்பவன் (2018, உயிர்மை வெளியீடு)

பெற்றுள்ள விருதுகள் :
படைப்புக் குழும விருது- 2019,
சௌமா விருது -2019,
தோழர் சுப்பராயலு நினைவு விருது - 2019