கணிதன் என்றொரு பெயரன்

மரத்தடியே
பழம் பொறுக்கும் கிழவி
திரும்பி பார்த்தாள்
வரலாறு திரும்பி பார்த்தது
போலிருந்தது

குருவிகளின் சத்தம்
சட்ட சபையாக
அவள் மௌனத்தில்
உறைந்து இருக்கலாம்

கணிதன் என பெயர்
கொண்ட பெயரன்
அவளுக்கு இருக்கலாம்

கவிதை எழுதுவதும்
அகங்காரம் இல்லாததும்
அவனுடைய தகுதியாக
இருக்கலாம்

துல்லிய வேகத்தில்
அவன் இரண்டு சக்கர
வாகனத்தில் செல்கையில்
வண்ணத்து பூச்சி நிழல் போல்
வரலாறு குறுக்கிடலாம்.