மஞ்சுளா கவிதைகள்

---

• இரவின் நாக்கு

 

ஒவ்வொரு நாளும்
ஒன்று போல் இருப்பதில்லை

ஒவ்வொரு நாளிலும்
வெவ்வேறு மொழிகளில்
பகலும் இரவும் பேசிக் கொள்கின்றன

பகலின் நண்பர்கள் யாரென
இரவுக்குத் தெரியாது
இரவின் நண்பர்கள் யாரென
பகலும் அறியாது

நண்பர்களுக்கோ
பகலென்றாலும் இரவென்றாலும்
ஒன்று போல் தோன்றுகிறது

பகலிடம் பேசிய மொழியை
அவர்கள்
இரவுக்குத் தெரிவிப்பதில்லை

இரவில் அவர்கள் குடித்துவிட்டு
உளறும் மொழியை
பகல் அறிவதில்லை

நேசம் மிகுந்த நண்பர்களை
இரவின் நாக்கு
உச்சி மோந்து பூனையைப் போல்
நக்குகிறது

பகலில் அதே நண்பர்கள்
வெவ்வேறு நாக்குகளுடன்
பிரிந்து விடுகிறார்கள்

பூனை வரும் வரை
நாக்கின் ரகசியங்கள்
பூட்டி வைக்கப் படுவதால்
நண்பர்கள் நண்பர்களாகவே
இருக்கின்றனர்.

• காலடியில் ஒரு நிழல்

என் வீட்டின் சமயலறையில்