0%

நுட்பம் » நிராகரிப்பின் பெருவலி

இதழ் 30 • கவிதைகள்

நிராகரிப்பின் பெருவலி

by சுகன்யா ஞானசூரி

21 March 2024

Written by சுகன்யா ஞானசூரி

உங்களின் வார்த்தையில் சொல்வதானால்

அவர்கள் ஒன்றிற்கும் ஆகாதவர்கள்

கொஞ்சமே கொஞ்சமாய்த் திருடவோ

கொஞ்சமே கொஞ்சமாய் பொய்சொல்லவோ

கொஞ்சமே கொஞ்சமாய் ஏமாற்றவோ

கொஞ்சமே கொஞ்சமாய் கையூட்டுத் தரவோ பெறவோ

கொஞ்சமே கொஞ்சமாய் கபடதாரியாகவோ

இப்படி இவற்றில்

குற்றத்தின் நறுமணங்களை அறியாதவர்களை

ஒன்றுக்கும் ஆகாதவர்களென

உங்களின் உலகம் உதாசீனம் செய்துவிடுகிறது எளிதாக

நிராகரிப்பின் பெருவலியில்

அவர்களின் உலகம் சுருங்கிவருகிறது

அருகிவரும் உயிரினங்களாய்

எஞ்சியிருக்கும் கோமாளிகளாய்

சபிக்கப்பட்டுள்ளார்கள் இந்நூற்றாண்டில்

கையாலாகாதவர்கள் எனும் சமாதானப்

போர்வையைப் போர்த்திவிடுதல் எளிதுதான்.

595

About the author

சுகன்யா ஞானசூரி

இலங்கையின் யாழ்ப்பாணம் மாகாணத்திலுள்ள அச்சுவேலி வடக்கில் பிறந்த ஞானசூரி முதுகலை அறிவியல் நுண்ணுயிரியல் துறை படித்தவர். 1995இல் யாழ்ப்பாணத்தை விட்டு வன்னிக்கும், 1996இல் வன்னியை விட்டு தமிழ்நாட்டுக்கும் புலம்பெயர்ந்தவர். தற்போது திருச்சிராப்பள்ளியிலுள்ள தனியார் ஆய்வகத்தின் நுண்ணுயிரியல் துறையில் தொழில்நுட்புனராகப் பணியாற்றுகிறார்

இவரது முதல் கவிதைத் தொகுப்பு : அலைகளின் மீதலைதல் (2008) , இரண்டாம் கவிதைத் தொகுப்பு : நாடிலி (2021)

Subscribe

0 Comments

Inline Feedbacks

View all comments