புத்தம் புது சித்தார்த்தன்
ஒரு சிற்பத்தைப் போல
அமர்ந்திருக்கிறாய்
மேலே மேலே
ஒரு ஈஸ்ட்மென் திரையை
நகர்த்தவியலா அனுபவத்தோடு
காண்கிறேன் எனவும்
பூத்து காய்த்து உதிர மறுக்கும்
கௌரவம்
அதை விடாமல் காண்பது தான்
இருக்கலாம்
அழகூறிய பொறுப்பு துறப்பு
மறுக்கவே பார்க்கிறேன்
மாறுதலுக்கு உட்படுதல் உட்பட
கலைத்து போட்டு கவனிப்பதில்
திளைத்தல் உண்டு
சரிந்துருளும் நிமிர்ந்த நிலை
எனும்போது
மீண்டும் உரிந்து காய்ந்து
முதல் துளிக்கு
நாக்கு வேர்க்க நில்
நல்லதின் அவசியம்
நயவஞ்சக கரிசனத்தில்
நிகழ்கிறது
மது போத்தலில்
தற்காலிகம் நிகழ்த்துகிறது
மளமளவென உடைந்து நொறுங்கி
சில் சில்லாய் கிடப்பதில் தான்
எத்தனை சித்திரம்
மறந்து பார்த்ததை
மறுக்கவே பார்க்கிறேன்.