காதல்
ஓர் அதிசய தீபகற்பம்
ஒருபுறத்தில் நீ
முப்புறத்தில் கண்ணீர்!
***
நீ மதுவா ?
இல்லை
மதுவின் தாகமா ?
***
காதல்
எனக்கு இமையாக இருக்கிறது
மரணத்தின் போதும்
அஃது என்னை அணைத்துக் கொள்ளும்.
***
உலகம் ஒரு சிறை
அதிலிருந்து விடுபடுவதற்கு
காதலை
விலங்கிட்டுக் கொள்கிறேன்.
***
நீ எரிக்கிறாய்
நான் எரிகிறேன்
விளக்கில் விழும்
விட்டிலின் விதி என் காதல்.
சென்னையில் வசிக்கும் தி.கலையரசி பல் மருத்துவராக உள்ளார் .இதுவரை ‘நான் உன்னுடைய துறவி’ , ‘உன் பொய்களில் உண்மையாகிறேன்’( கஸல் வகைமை ), ‘நீ காதல் நான் கஸல்’( கஸல் வகைமை என மூன்று கவிதைத் தொகுப்புகள் வெளியிட்டு இருக்கிறார். ஆனந்த விகடன், குமுதம் போன்ற இதழ்களில் இவரின் கவிதைகள் வெளியாகி இருக்கின்றன. " தமிழில் கஸல் எழுதும் முதல் பெண் கவிஞர் " என ‘குமுதம் சிநேகிதி’ இதழ் இவரை அடையாளப் படுத்தியிருக்கிறது.
You cannot copy content of this Website
Spotify
Amazon Music
Audible
Gaana