காதலுக்குப் பிறகேயான காதல்

ஒரு நேரம் வரும்

அப்போது மகிழ்வெழுச்சியுடன்

உன் சொந்த வாசலில், உனக்குச் சொந்தமான கண்ணாடியில்  

நீயே வருவதை, நீ வரவேற்பாய்,

ஒருவர் மற்றொருவரின் வரவேற்பைக் கண்டு புன்னகைத்தபடி 

இங்கே உட்கார், உண் என்பீர்கள்.

உன் தன்னிலையாய் இருந்த அந்த அந்நியனை/ளை நீ மீண்டும் நேசிப்பாய் 

ஒயினளி. ரொட்டியளி. உன் இதயத்தை அதனிடம் திரும்பக் கொடு, 

உன்னை மனப்பாடமாக அறிந்த,  இன்னொருவருக்காக நீ புறக்கணித்த,  

உன் வாழ்வெல்லாம் உன்னை நேசித்திருந்த அந்த அந்நியமானவனி/ளிடம் திரும்பக் கொடு.

அலமாரியில் உள்ள காதல் கடிதங்களை, 

புகைப்படங்களை, அந்த ஆற்றொணாக் குறிப்புகளை  அகற்று,

கண்ணாடியிலிருந்து உன் சொந்த பிம்பத்தை உரித்து எடு.

WhatsApp Image 2024-04-07 at 11.45.31 AM

• டெரக் வால்காட்.
• தமிழில்: மிருணா .

ஆசிரியர் குறிப்பு

640px-Derek_Walcott

டெரெக் வால்காட் (Derek Walcott), (சனவரி 23, 1930, மார்ச் 17, 2017) செயின்ட் லூசியாவைச் சேர்ந்த கவிஞர், நாடகாசிரியர், எழுத்தாளர் ஆவார். இவர் 1992-ஆம் ஆண்டுக்கான இலக்கியத்துக்கான நோபல் பரிசைப் பெற்றார். மேலும் 2011-ஆம் ஆண்டு டி.எஸ்.எலியாட் பரிசை தனது “வெள்ளை நாரைகள்” நூலுக்காக வென்றார். இவரது “ஒமேரோஸ்” மிகவும் அறியப்பட்ட, புகழப்பட்ட படைப்பாகும்.